İspaniya koronavirusa yoluxmaların sayına görə İtaliyaya çatır
Son bir gündə İspaniyada 8 min nəfərdə koronavirusa yoluxma faktı aşkarlanıb.
“Qafqazinfo” “Ria Novosti”yə istinadən xəbər verir ki, ölkədə koronavirusa yoluxanların sayı 110,238-ə çatıb. Bununla da yoluxma hallarının sayına görə İspaniya cüzi fərqlə İtaliyadan (110,574) geri qalır.
İspaniyada 6 mindən çox insan reanimasiya şöbəsinə yerləşdirilib, ümumilikdə 26,700 nəfər müalicə olunaraq sağalıb. Xəstəlikdən həyatını itirənlərin sayının isə 10,003-ə çatdığı bildirilib.
İspaniya hökuməti ölkədə həyati əhəmiyyət daşımayan bütün fəaliyyətləri 9 aprelə qədər dayandırmaq qərarı verib.
