Konqo Milli Neft Korporasiyasının prezidenti BANM-də olub - Fotolar
Konqo Respublikasının Milli Neft Korporasiyasının prezidenti Raul Ominganın rəhbərlik etdiyi nümayəndə heyəti SOCAR-ın Bakı Ali Neft Məktəbində olub.
“Qafqazinfo” xəbər verir ki, öncə Ali Məktəbin kampusunu gəzən qonaqlara burada yaradılan modern tədris şəraiti və tədqiqat mühiti ilə bağlı ətraflı məlumat verilib. Təhsil sahəsində əməkdaşlığın vacibliyinə toxunan rektor qeyd edib ki, BANM-in məzunları SOCAR-ın və ölkənin müxtəlif sənaye müəssisələrində, eyni zamanda transmilli şirkətlərdə çalışırlar. Bu il ölkə üzrə Prezident təqaüdünə layiq görülən 102 nəfərdən 29-u Bakı Ali Neft Məktəbinin tələbəsidir.
Görüşdə konqolu tələbələrin BANM-də təhsil almaları müzakirə olunub. Rektor Elmar Qasımov Bakı Ali Neft Məktəbinin mütəxəssislərinin Konqonun Milli Neft Korporasiyasının əməkdaşlarına onlayn formatda təlimlər keçməsini təklif edib.
Raul Ominga Ali Məktəbdə yaradılan şəraiti və qazanılan uğurları yüksək qiymətləndirib.
