Kürdə batan qardaşların meyitləri tapıldı - Yenilənib
Xəbər verdiyimiz kimi, dünən Kür çayının Salyan rayonu, Aşağı Noxudlu kəndindən keçən hissəsində 2 qardaş batıb.
“Qafqazinfo” xəbər verir ki, batan şəxslərdən birinin, 2003-cü il təvəllüdlü Sadıqov Rəvan Seymur oğlunun meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən sudan çıxarılaraq aidiyyəti üzrə təhvil verilib.
2006-cı il təvəllüdlü Sadıqov Ramal Seymur oğlunun axtarışları davam etdirilir.
Əlavə məlumat veriləcək.
***
Salyan rayonunun Aşağı Noxudlu kəndində Kür çayında batdığı ehtimal olunan 2006-cı il təvəllüdlü Sadıqov Ramal Seymur oğlunun axtarışları başa çatıb.
“Qafqazinfo”nun FHN-in saytına istinadən verdiyi xəbərə görə, R. Sadıqovun meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
Son Xəbərlər
- 1
- 2
- 3
- 4
- 5
- 6
