“Naxçıvanda 7 ayda 30-a yaxın həkim işə cəlb olunub”
“Naxçıvanda kadr islahatları aparılıb və son 7 ayda 30-a yaxın həkim işə cəlb olunub. Onların çoxu ümumiyyətlə naxçıvanlı deyil”.
“Qafqazinfo” xəbər verir ki, bu barədə Naxçıvan Səhiyyə naziri vəzifəsini icra edən Samiq Sadıxov məlumat verib.
O bildirib ki, həmin həkimlərin bir çoxu məhz Türkiyədə çalışan kadr və ölkəmizin digər ərazilərdə fəaliyyət göstərən mütəxəssislər olub:
"Bu da Naxçıvanda səhiyyə sisteminin, tibbi xidmətin keyfiyyətinə, inkişafına təsir edən amillərdir. Səhiyyə sistemi uzun bir prosesdir, həyata keçiriləcək bir çox layihələr qarşıdadır.
Naxçıvanda 3-cü mikrarayon ərazisində Babək məhəlləsində 30 min insana xidmət edəcək Ailə Sağlamlıq Mərkəzi tikiləcək. Mərkəzin layihəsi artıq hazırdır və təxminən 2 il müddətində tikintinin başa çatması planlaşdırılır. Tibbi xidmətin əlçatanlığı əsas prinsipimizdir.
Bu səbəblə də biz Babək məhəlləsində 30 min insana xidmət göstərəcək yeni ailə sağlamlıq Mərkəzinin layihələndirmə işlərinə başlamışıq. Növbəti ildə bu layihənin tikintisi ilə bağlı işlər hıyata keçiriləcək. Bu layihələr Naxçıvan Respublikasının sosial iqtisadi inkişafına dair dövlət proqramında qeyd olunub".
Gülnar Əliyeva
Son Xəbərlər
- 1
- 2
- 3
- 4
- 5
- 6
