Pezeşkian Naxçıvana edilən hücumla bağlı Putinlə danışdı
İran Prezidenti Məsud Pezeşkian və Rusiya lideri Vladimir Putin arasında telefon danışığı olub.
“Qafqazinfo” xəbər verir ki, bu barədə İran Prezidentinin Mətbuat xidməti məlumat yayıb.
Telefon danışığı zamanı tərəflər İran ətrafında münaqişənin kəskin fazasını müzakirə ediblər.
“Rusiyanın hərbi əməliyyatların dərhal dayandırılmasının, İran ətrafında və bütün Yaxın Şərq bölgəsindəki mövcud problemlərin həllində güc metodlarından imtinanın, siyasi-diplomatik yolla nizamlamaya ən qısa zamanda qayıdışın zəruriliyi barədə prinsipial mövqeyi təsdiq edilib”, - məlumatda deyilir.
Bu baxımdan Putin Fars körfəzi Ərəb Dövlətlərinin Əməkdaşlıq Şurasına daxil olan ölkələrin liderləri ilə daimi əlaqədə olduğunu nəzərə çatdırıb.
Telefon danışığı zamanı Naxçıvana dron hücumu da müzakirə mövzusu olub. Belə ki, Məsud Pezeşkian ölkəsinin Azərbaycana hücum etmədiyini bildirib. O, İranın heç vaxt qonşulara hücum etmək məqsədinin olmadığını deyib.
“İran Prezidenti ölkəsinin Azərbaycana hücum etməsi ilə bağlı iddiaları qətiyyətlə rədd edərək bu şayiələri qonşular arasındakı qardaşlıq münasibətlərini pozmaq üçün düşmənlərin sui-qəsdi adlandırıb”, - məlumatda bildirilib.
Son Xəbərlər
- 1
- 2
- 3
- 4
- 5
- 6
