“Rabitəbank”dan “Muğanbank”a transfer olub

“Rabitəbank”dan “Muğanbank”a transfer olub
Oxunma sayı: 1305

“Muğanbank” ASC təcrübəli bank əməkdaşını öz sırasına cəlb edib.

“Qafqazinfo” xəbər verir ki, Qasımov Tamerlan Məhəmməd oğlu bankın Biznes Bankçılıq Departamentinin direktoru vəzifəsinə təyin edilib.

Ümumilikdə bank sahəsində 15 ildən artıq təcrübəyə malik olan Q. Tamerlan, uzun illər “AGBank” ASC-də müxtəlif rəhbər vəzifələrində çalışıb, 2020-ci ildən etibarən “Rabitəbank” ASC-də İdarə Heyəti Sədr müavininin satış üzrə müşaviri, Mikro Biznes Strukturunun rəhbəri, daha sonra isə bankın Müştəri Xidməti sahələrinin satış rəhbəri vəzifələrində fəaliyyət göstərib.

Tamerlan Qasımov bakalavr təhsilini ADPU universitetinin tarix fakültəsində “Tarixçi” ixtisası üzrə, daha sonra isə ADİU universitetinin MBA proqramı çərçivəsində “Maliyyə və Kredit” ixtisası üzrə təhsil alıb.

Qeyd edək ki, Q. Tamerlan bank sektoru üzrə bir çox beynəlxalq və yerli sertifikatlara yiyələnib, bu sahədə öz bilik və bacarıqlarını çalışdığı yerlərdə tətbiq edib.