Regionlardakı gənc qızlar sahibkarlığa cəlb olunacaqlar

Regionlardakı gənc qızlar sahibkarlığa cəlb olunacaqlar
Oxunma sayı: 438

“Gənclər Azad Sahibkarlıq Fəaliyyətində” İctimai Birliyi Azərbaycan Respublikasının Gənclər Fondunun maliyyə dəstəyi ilə həyata keçirilən “Regionlarda yaşayan gənc qızların sahibkarlıq fəaliyyətinə cəlb olunması” layihəsinə start verib.

“Qafqazinfo” xəbər verir ki, layihə Göygöl, Daşkəsən və Şəmkir rayonlarının kəndlərində yaşayan gənc qızların biznes bacarıqlarının üzə çıxarılacağından, onların məşğulluğunun artırılması məqsədilə sahibkarlıq fəaliyyətlərinə dəstəkdən və onlara bacarıqlarına uyğun yaradılacaq bərabər imkanlardan bəhs edir.

Layihənin məqsədi kənd yerlərində yaşayan qızların bacarıqlarının üzə çıxarılması və onların sahibkarlıq fəaliyyətinə cəlb olunmasıdır. Pilot layihə kimi həyata keçirilən bu layihə gələcəkdə digər rayonların qəsəbə və kəndlərində yaşayan qadın və qızların da bacarıqlarının üzə çıxarılması məqsədilə davam etdiriləcək.

3 ay müddətində həyata keçiriləcək layihə çərçivəsində 60 qadına sosial sahibkarlıq, maliyyə savadlılığı və biznes planlarının hazırlanması sahəsində təlimlər keçiriləcək və ən uğurlu biznes planı hazırlayanlara bizneslərini daha da genişləndirmək üçün ehtiyacları olan məhsulların hədiyyə olunması nəzərdə tutulur.

Qeyd edək ki, layihə Göygöl, Daşkəsən və Şəmkir rayonlarında həyata keçiriləcək.


Daha tez məlumatlanmaq üçün yeni Facebook səhifəmizi