Ukrayna ilə bağlı sülh sammitinin tarixi açıqlandı

ukrayna-ile-bagli-sulh-sammitinin-tarixi-aciqlandi
Oxunma sayı: 5983

İsveçrədə Ukrayna ilə bağlı keçiriləcək sülh sammitinin tarixi açıqlanıb.

“Qafqazinfo” “Blick” portalına istinadən xəbər verir ki, Ukraynadakı müharibənin nizamlanmasına həsr olunan yüksəksəviyyəli bu konfrans iyunun 15-16-da Byurqenştok kurort bölgəsində baş tutacaq.

Bununla belə, sammitdə konkret olaraq hansı ölkələrin iştirak edəcəyi məlum deyil. Buna baxmayaraq, konfransa 80-100 dövlətin dəvət ediləcəyi planlaşdırılır. 

Qeyd edək ki, Rusiya bu danışıqlarda iştirak etməyəcəyini açıqlayıb.

Onu da xatırladaq ki, İsveçrə Ukraynanın istəyi əsasında sözügedən sülh sammitini keçirməyə razılıq verib.