Zaqatala Rayon Mərkəzi Xəstəxanasına bu ilin oktyabrın 11-dən noyabrın 17-dək qızılca simptomları ilə 64 müraciət daxil olub.
Bu barədə “Qafqazinfo”nun sorğusuna cavab olaraq TƏBİB-dən bildirilib.
Qeyd olunub ki, onlardan 46-sı müayinə olunaraq ambulator müalicə üçün evə buraxılıb: “Ambulator xəstələrdən 8-i uşaqdır, vəziyyətləri stabildir. Bu müddət ərzində xəstəxanaya müraciət edən 19 nəfər (5-i uşaq olmaqla) stasionar müalicə alıb. Onlardan 10 xəstə artıq evə buraxılıb. 9 xəstənin isə stasionar müalicəsi davam etdirilir".