20 milyonluq duz qalmaqalı ilə bağlı - Açıqlama
“Qafqazinfo”nun AzərTac-a istinadən məlumatına görə, belə uydurma və böhtan xarakterli yazılar sifariş xarakterli olmaqla qurumun fəaliyyətinə kölgə salmaq məqsədi daşıyır.
Məlumat üçün bildiririk ki, Nəqliyyat Nazirliyi “Azəryolservis” ASC-nin aidiyyəti qurumları 2012-2013-cü illərin payız-qış mövsümünə hazırlığını artıq yekunlaşdırmaq üzrədir. Qış aylarında respublikanın, o cümlədən paytaxtın avtomobil yollarında hərəkətin fasiləsizliyini və təhlükəsizliyini təmin etmək üçün lazımi tədbirlər həyata keçirilir.
Tədbirlər planına görə, yol istismar idarələri tərəfindən qış aylarında ehtiyac yaranacağı təqdirdə avtomobil yollarına səpilməsi üçün bağlanmış müqavilə əsasında 3 min ton texniki duz sifariş olunub.
Yol təsərrüfatı sahəsindən xəbəri olmayan mətbuat orqanlarına məsləhət görürük ki, həyata keçirilən tədbirlərlə bağlı yazılarda real faktlara əsaslansınlar.
Son Xəbərlər
- 1
- 2
- 3
- 4
- 5
- 6
