22 yaşlı nazir rekordlar kitabına düşdü - Fotolar
Birləşmiş Ərəb Əmirliklərinin (BƏƏ) gənclərin işləri üzrə naziri Şamma bint Süheyl Faris Al Mazruinin adı dünyada ən gənc nazir kimi Ginnesin Rekordlar Kitabına daxil edilib.
“Qafqazinfo” xəbər verir ki, 22 yaşlı Şamma bint Süheyl Faris Al Mazrui bu vəzifəyə 2016-cı ilin fevral ayında təyin edilib. Gənclərin işləri üzrə nazirə hökumətdə gənclərin mənafelərini təmsil etmək, habelə gəncliyin inkişafına dair strategiya və planlar hazırlamaq, müxtəlif sahələrdə gənclərin potensialından istifadə etmək vəzifələri həvalə olunub.
