Azərbaycanlı polis Avrasiya çempionu oldu - Fotolar

azerbaycanli-polis-avrasiya-cempionu-oldu
Oxunma sayı: 2549

Daxili İşlər Nazirliyinin (DİN) İdman Cəmiyyətinin yetirməsi Rəşad Vəliyev Gürcüstanın Rustavi şəhərində keçirilən MMA qarışıq döyüş növü üzrə Avrasiya çempionatında qalib gəlib.

“Qafqazinfo” DİN-ə istinadən xəbər verir ki, Azərbaycan təmsilçisi 90 kiloqramdan artıq çəki dərəcəsində peşəkarların yarışında Avrasiya kəmərinin sahibi olub.

Nazirliyin Baş İctimai Təhlükəsizlik İdarəsinə bilavasitə tabe olan diplomatik nümayəndəliklərin mühafizəsi üzrə əlahiddə polis taborunun əməkdaşı, polis serjantı Rəşad Vəliyev əvvəllər yunan-Roma güləşi üzrə yarışlarda gücünü sınayıb, respublika və Bakı birinciliklərində fəxri kürsünün ilk pilləsinə qalxıb. Hazırda əlbəyaxa döyüş növləri ilə məşğan Rəşad indiyədək bir çox uğur qazanıb. O, ötən il qaydasız döyüş üzrə dünya çempionatında qızıl medala sahib olub. Yeddiqat respublika çempionu olan təmsilçimiz beynəlxalq turnirlərdə də baş mükafata layiq görülüb.

Rəşad Vəliyevi yarışlara DİN İdman Cəmiyyətinin əməkdaşı, polis baş serjantı Hikmət Hacıyev hazırlayıb.