“Baktelekom”da işçilərin kütləvi ixtisarı aparılır? - Rəsmi cavab

“Baktelekom”da işçilərin kütləvi ixtisarı aparılır?
Oxunma sayı: 2355

Nəqliyyat, Rabitə və Yüksək Texnologiyalar Nazirliyinin “Bakı Telefon Rabitəsi” Məhdud Məsuliyyətli Cəmiyyətində, eləcə də digər tabeli qurumlarında işçilərin kütləvi ixtisarı aparılmır.

“Qafqazinfo” xəbər verir ki, bunu Trend-ə “Bakı Telefon Rabitəsi” MMC-də (Baktelekom) aparılan kadr islahatları ilə bağlı məsələyə cavab olaraq nazirlikdən bildiriblər.

Nazirlikdən bildirilib ki, "Baktelekom" ilə aidiyyəti telefon qovşaqlarının əməkdaşları arasındakı münasibətlər mövcud əmək qanunvericiliyinin tələblərinə uyğun tənzimlənir:

“Hazırda “Baktelekom”da daha çevik idarəetmə modelinin tətbiqi məqsədilə mərkəzləşdirmə prosesi həyata keçirilir. Belə ki, mövcud telefon qovşaqlarının "Baktelekom"a birləşdirilməsi yeni texnologiyaların tətbiqi və günün tələbləri baxımından labüddür”.


Daha tez məlumatlanmaq üçün yeni Facebook səhifəmizi