Bunu, “Qafqazinfo”ya açıqlamasında Azərbaycanın Liviyadakı səfiri Ağasəlim Şərifov deyib. Onun sözlərinə görə, hazırda səfirlikdə Liviya bayrağı asılmayıb.
Səfir bildirib ki, o, həm Ramazan ayı, həm də Liviyada baş verənlərlə bağlı olaraq məzuniyyətdədir: “Mən və səfirliyin digər iki əməkdaşı iyulun 26-dan məzuniyyətdəyik. Məzuniyyət sentyabrın 5-də bitdiyindən biz Liviyaya sentyabrın 6-sı gedəcəyik”.
Liviyadakı Azərbaycan vətəndaşlarının təhlükəsizliyi məsələsinə də toxunan səfir bildirib ki, artıq fevral ayından oradakı 40 Azərbaycan vətəndaşı köçürülüb: “Yalnız 1-2 xanım vətəndaş qalmışdı ki, onlar da Liviya vətəndaşı ilə evli olduq larından ölkəni tərk etməkdən imtina ediblər”.
Səidə Teyyubqızı