“Qafqazinfo”nun Gürcüstan KİV-nə istinadən verdiyi xəbərə görə, aksiya iştirakçıları Gürcüstan XİN-nin binasına doğru yürüş ediblər.
Aksiya təşkilatçıları və iştirakçıları bundan başqa, Gürcüstanın xarici işlər nazirinin müavini Nino Kalandadze və mədəniyyət naziri Niki Ruruanın “qeyri-adekvat” və “məsuliyyətsiz” bəyanatlarına etirazlarını bildiriblər.
Xatırladaq ki, iki ölkə ərazisində mübahisəli ərazi kimi qeyd olunan “David Qaraca” monastr kompleksinin bir hissəsi mayın 6-da Azərbaycan sərhədçiləri tərəfindən bağlanmış və gürcü turistlərin ziyarəti üçün qapalı elan edilmişdi. Nino Kalandadze isə bəyanat verərək həmin hissənin sovet dövründən bəri Azərbaycanın tərkibində olduğunu etiraf etmişdi.