“Qəbələ”nin qapıçısı Dmitri Bezotosnının evi qarət edilib. “Qafqazinfo” “Report”a istinadən xəbər verir ki, Ukraynalı qolkiperin yaşadığı mənzildən oğurluq olub.
Futbolçunun evindən 5 min ABŞ dollarının oğurlandığı bildirilib.
Polisin araşdırması nəticəsində oğurluqda şübhəli bilinən N.M. saxlanılıb. Həmin qadın futbolçunun uşaqlarının dayəsi olub.
“Qafqazinfo”ya açıqlama verən ukraynalı qolkiper isə məlumatı təkzib edib. O bildirib ki, yayılan xəbərlər yalandır və belə hadisə baş verməyib: “Bilmirəm bu xəbərləri hardan çıxarırlar. Belə bir şey baş verməyib”.