DİN məşqçinin həlak olması haqda xəbər yaydı
Daxili İşlər Nazirliyi “Qəbələ” futbol klubunun məşqçisi Teymur Musayevin vəfat etdiyi qəza ilə bağlı açıqlama yayıb.
“Qafqazinfo”nun verdiyi xəbərə görə, noyabrın 15-də saat 1 radələrində Qəbələ şəhəri ərazisində Zarağan kənd sakini Rafiq Məmmədov idarə etdiyi “Toyota Prado” markalı avomobili yolun kənarındakı ağaca vurub. Nəticədə sərnişini, Qəbələ şəhər sakini Teymur Musayev hadisə yerində ölüb, özü isə xəstəxanaya yerləşdirilib.
Qeyd edək ki, T. Musayev “Qəbələ” futbol akademiyasının məşqçisidir.
