Ərdoğan BMT Gənclər Fondunun qurulmasını təklif etdi
Türkiyə prezidenti Rəcəb Tayyib Ərdoğan BMT Baş Assambleyanın 73-cü sessiyasında çıxışı zamanı təklif irəli sürüb.
“Qafqazinfo” xəbər verir ki, Ərdoğan BMT Gənclər Fondunun təsis edilməsini təklif edib:
“BMT nəzdində gələcəyimiz olan gənclərlə bağlı bir quruma ehtiyac var. Türkiyə olaraq BMT Gənclər Fondunun tezliklə təsis edilməsini, mərkəzinin də İstanbul olmasını təklif edirik. Hazırda İstanbulda tikilməkdə olan Gənclər Mərkəzini bu fond üçün ayıra bilərik”.
Ərdoğan sonda sessiya iştirakçılarını 10 dekabrda İstanbulda keçiriləcək BMT Yaşlılıq Agentliyinin qurultayına dəvət edib.
