Bu gün Bakı Ağır Cinayətlər Məhkəməsində ata və qızını öldürməkdə təqsirləndirilən Sahib Hacıyevin məhkəməsi keçirilib.
“Qafqazinfo”nun verdiyi xəbərə görə, hakim Samir Əliyevin icraatında olan prosesdə S.Hacıyevin arvadı Maral Hacıyeva ifadə verib.
O deyib ki, ərinin Samirə adlı qadını “saxladığını” əvvəldən bilib: “O gecə saat 3-də zəng edirdi, Sahib də bundan zövq alırdı. Amma mən narahat olurdum. Bir neçə il belə davam etdi”.
M.Hacıyeva bildirib ki, S.Hacıyevdən boşanmayıb: “Bu hadisəyə qədər də bir yerdə yaşamışıq”.
Proses yanvarın 24-də davam etdiriləcək.
S.Hacıyev qeyri-rəsmi nikah münasibətində olduğu, Abşeron rayonu Sulutəpə qəsəbəsində yaşayan 1979-cu il təvəllüdlü Samirə Əsədova və onun atası 1953-cü il təvəllüdlü Allahevrdi Əsədovu bıçaqlayaraq qətlə yetirib.
Murad Əhməd