Bu haqda rabitə və informasiya texnologiyaları naziri Əli Abbasov açıqlama verib. Onun sözlərinə görə, Azərbaycanın internetə çıxışını təmin edən “Delta Telekom” xidmətlərindən Gürcüstan, İran və Orta Asiyada da istifadə olunur: “Hələ bizdə olan məlumata görə, Gürcüstan üzərindən Ermənistan da bu internetdən istifadə edir. Amma biz bunu görə bilmirik”.
Qeyd edək ki, ermənilərin Gürcüstanla-Ermənistan sərhəddində “Delta Telekom” internetindən istifadə etməsi haqda şübhələr var.
Nazir onu da bildirib ki, qarşıdakı 8 il ərzində internetin tutum sahəsinin 4 dəfə genişləndirilməsi nəzərdə tutulub: “Azərbaycanda internet olduqca əlçatan və azaddır. Azərbaycanda olan internet sərbəstliyi heç bir region ölkəsində yoxdur”.
bakupost.az