İstirahət günlərində səyahətə çıxanlar üçün hava - Proqnozu
Ekologiya və Təbii Sərvətlər Nazirliyinin Milli Hidrometeorologiya Departamenti istirahət günləri - avqustun 25-26-da səyahətə çıxanlar üçün hava proqnozunu açıqlayıb.
Departamentdən “Qafqazinfo”ya verilən xəbərə görə, Böyük və Kiçik Qafqaz bölgəsində əsasən yağmursuz hava şəraiti üstünlük təşkil edəcək. Lakin avqustun 25-26-da səhər saatlarında əsasən dağlıq ərazilərdə şimşək çaxacağı, yağış yağacağı ehtimalı var. Havanın temperaturunun dağətəyi rayonlarda 28-33°, dağlıq rayonlarda isə 21-26° isti olacağı gözlənilir.
Lənkəran-Astara bölgəsinə üz tutanları əsasən yağmursuz hava şəraiti gözləyir. Buna baxmayaraq, avqustun 26-da səhər qısamüddətli yağış yağacağı ehtimalı var. Şərq küləyi əsəcək. Havanın maksimal temperaturu 29-34°, dağlıq rayonlarda 23-28° isti olacaq.
Aran rayonlarında yağmursuz hava şəraiti müşahidə olunacaq. Şərq küləyi üstünlük təşkil edəcək. Havanın maksimal temperaturunun 32-37° isti olacağı proqnozlaşdırılır.
Naxçıvan Muxtar Respublikasında da hava şəraitinin yağmursuz keçəcəyi gözlənilir. Havanın maksimal temperaturunun 32-37° isti olacağı bildirilir.
Paytaxtda avqustun 25-26-da hava şəraitinin yağmursuz olacağı gözlənilir. Mülayim şimal-şərq küləyi əsəcək. Havanın maksimal temperaturunun 28-33° isti olacağı ehtimal edilir.
Son Xəbərlər
- 1
- 2
- 3
- 4
- 5
- 6
