Bu gün Lənkəranda Heydər Əliyev Mərkəzində Şəhər İcra Hakimiyyəti və Azərbaycan Müharibə, Əmək və Silahlı Qüvvələr Veteranları respublika təşkilatının birgə təşəbbüsü ilə veteranlarla görüş keçirilib.

"Qafqazinfo"ya daxil olan məlumata görə, görüşdə Lənkəran ŞİH başçısı Taleh Qaraşov, Azərbaycan Müharibə, Əmək və Silahlı Qüvvələr Veteranları Şurasının sədri, general-polkovnik Tofiq Ağahüseynov, Şuranın sədr müavini polkovnik Cəlil Xəlilov, təşkilatın Lənkəran, Masallı, Cəlilabad, Astara və Lerik şöbələrinin sədrləri, rayonun Böyük Vətən Müharibəsi və arxa cəbhə, Əfqanıstan, Qarabağ müharibəsi və Silahlı Qüvvələri veteranları təşkilatlarının təmsilçiləri iştirak ediblər.

Görüşü açan icra başçısı T.Qaraşov veteranlarla bağlı dövlət səviyyəsində görülən işlərdən geniş danışaraq ölkə Prezidenti tərəfindən onların qalqırdıqları məsələlərin həllinə göstərilən davamlı diqqəti xüsusi vurğulayıb. Natiq Lənkəran rayonunda da veteranların maddi-məişət şəraitinin yaxşılaşdırılması, onların rayonun ictimai-siyasi həyatında yaxından iştirakına imkanların yaradılması ilə bağlı tədbirlərin görüldüyünü diqqətə çatdırıb.

Sonda bir qrup görüş iştirakçısına Azərbaycan Milli Ordusunun yaranmasının 100 illiyi münasibətilə respublika təşkilatı tərəfindən təsis olunmuş medallar təqdim olunub