UEFA Çempionlar Liqasının 2-ci təsnifat mərhələsində “Qarabağ”la 0:0-lıq heç-heçə edən Albaniyanın “Kukesi” klubunun kapitanı Yili Şameti oyundan sonra jurnalistlərin suallarını cavablandırıb.
“Qafqazinfo” bu müsahibəni təqdim edir:
- Nəticədən məmnun qaldınız?
- “Qarabağ” kimi komandayla 0:0-lıq heç-heçə yaxşıdır. Çünki biz qarşımıza qol buraxmamaq məqsədi qoymuşduq. Bunu da bacardıq. Vacib amildir.
- “Valetta” ilə oyunun təkrarı ola bilər?
- Hamımız buna ümid edirik. Səfər oyunu üçün hazırlanacağıq. Maltada olduğu kimi eyni taleyi arzulayırıq. Əlimizdən gələni edib gözləyəcəyik.
- Sanki şərab kimisiniz, yaşlandıqca daha yaxşı oynayırsınız…
- Mən kluba və özümə xidmət edirəm. Ümid edirəm ki, uzun müddət belə davam edər. Əgər məşqlərdə maksimumunuzu ortaya qoysanız, yaş da sizə mane olmayacaq.
- Müdafiədə çoxluq təşkil edirdiniz. Üçlü mərkəzdə özünüzü necə hiss edirdiniz?
- Düzdür, müdafiədə daha çox oynadıq. Təhlükəli rəqibə qarşı belə çıxış etmək lazımdır. Azərbaycanda da eyni cür oynamaq istəyirik.
- Ansi ilə üzləşmək necə idi?
- Ansi kimi bir oyunçu ilə qarşı-qarıya gəlmək böyük fəxr hissidir. O, uzun illər milli komandada kapitan olub və çıxış edib. Oynadığı futboldan zövq almaq laızmdır. Matçın sonunda mənə dedi ki, Azərbaycanda görüşərik.