Polis serjantları Kürdə intiharın qarşısını aldılar

Polis serjantları Kürdə intiharın qarşısını aldılar
Oxunma sayı: 1133

Şirvanda mühafizə polisinin əməkdaşları gənc qızın həyatını xilas ediblər.

“Qafqazinfo” xəbər verir ki, Daxili İşlər Nazirliyindən Trend-ə verilən məlumata görə, oktyabrın 20-də saat 14 radələrində mağistral yolun Şirvan şəhəri ərazisindən keçən hissəsindəki körpüdə xidmətdə olan Şirvan Şəhər Mühafizə Şöbəsinin əməkdaşları - polis serjantları Rəşad Əliyev və Həmid Əhmədov oradan keçənlərin arasında səssiz dayanaraq Kür çayına baxan qızın hərəkətləri şübhə doğurduğundan onu diqqətlə izləməyə başlayıblar.

Həmin qızın qəflətən məhəccərin digər tərəfinə keçdiyini görən əməkdaşlar dərhal ona yaxınlaşıblar. Qız özünü çaya atmaq istəyirmiş. Fikrini yayındırmaq üçün polis əməkdaşları gənc xanımı qısa söhbətə tutublar və ani hərəkətlə onu tutaraq təhlükəsiz əraziyə çıxarıblar.

Şirvan Şəhər Polis Şöbəsinə təhvil verilən qızın Sabirabad rayonunun Qarağac kənd sakini F.Ə olduğu məlum olub.

Araşdırma aparılır.


Daha tez məlumatlanmaq üçün yeni Facebook səhifəmizi