“Qarabağ”da ağır itki - 3-4 ay oynamayacaq
Çempionlar Liqasındakı təmsilçimiz “Qarabağ” klubu ciddi itki ilə üzləşib.
“Qafqazinfo” xəbər verir ki, Ağdam klubu aparıcı futbolçusu Dani Kintananın xidmətindən məhrum olub.
Məlumatı “Qarabağ”ın baş məşqçisi Qurban Qurbanov verib:
“Dani məşq zamanı zədə aldı. Həkimlərin rəyinə görə zədəsi olduqca ciddidir. O, yaxın günlərdə əməliyyat olunacaq”.
İspan yarımmüdafiəçinin təxminən 3-4 aydan sonra sıralara dönməsi gözlənilir.
Qeyd edək ki, Dani ötən il diz bağlarındakı zədəyə görə əməliyyat olunub və 6 ay futbolsuz qalıb.
