Ruhanidən ABŞ-a sərt sözlər - “Siz kimsiniz ki?..”
“ABŞ İrana göstəriş verə bilməz”.
“Qafqazinfo” xarici KİV-ə istinadən xəbər verir ki, bunu Amerikanın dövlət katibi Maykl Pompeonun bəyanatını şərh edən İran prezidenti Həsən Ruhani deyib:
“Siz kimsiniz ki, İran və dünya ilə bağlı diqtə edirsiniz? Dünya bu gün ABŞ-ın məntiqini qəbul etmir”. Ruhani bildirib ki, ABŞ-ın hazırkı administrasiyası keçmişə qayıdıb və oğul Corc Buşun 2003-2004-cü illərdəki sözlərini təkrarlayır. “Dünənə kimi casus agentliyində işləyən insan indi ABŞ-ın dövlət katibi olub və ölkələrin taleyini həll etməyə çalışır”, - deyə Ruhani Pompeonun ünvanına sərt fikirlər səsləndirib.
Xatırladaq ki, Amerikanın dövlət katibi dünən Vaşinqtonun İranla yeni nüvə sazişinə girməsi üçün yeni şərtlərini açıqlamışdı. ABŞ-ın bu şərtlərlə İrana qarşı sərt təzyiqlər göstərmək niyyətində olduğu bildirilib.
Son Xəbərlər
- 1
- 2
- 3
- 4
- 5
- 6
