ABŞ lideri Donald Tramp polisləri qətlə yetirən cinayətkarlar haqda ölüm cəzası çıxarılmasını istəyib.
“Qafqazinfo” xəbər verir ki, Tramp bu barədə vəzifələrini icra edərkən ölən hüquq-mühafizə orqanları əməkdaşlarının xatirəsinə həsr edilən mərasimdə çıxışı zamanı deyib:
“Bizim polislərimizə hücum bitməlidir, elə indicə buna son qoyulmalıdır. Hesab edirik ki, polis zabitini öldürən cinayətkarlara vaxt itirmədən məhkəmə yolu ilə ölüm hökmü verilməlidir. Bu, ədalətli, lakin sürətli proses olmalıdır”.