“Rosoboroneksport”un rəhbəri Aleksandr Mixeyev Türkiyəyə satılan “S-400” raket əleyhinə müdafiə sistemlərinin istehsalına başlanıldığını açıqlayıb.
“Qafqazinfo” TRT-yə istinadən xəbər verir ki, Mixeyev müqavilənin tətbiqinə start verildiyini bildirib:
“İstehsal başladı. Bəzi prosedurlar, mərhələlər var. Hər şey danışılıb, üzərimizə götürdüyümüz öhdəlikləri yerinə yetirəcəyik”.
Qeyd edək ki, Rusiyanın müdafiə sənayesi şirkəti “Rostek”in direktoru Sergey Çemezov Türkiyənin Rusiyadan 4 ədəd “S-400”ü 2,5 milyard dollara sifariş etdiyini açıqlamışdı.
“S-400”lərin 2019-cu ilin sonuna qədər göndəriləcəyi bildirilir. Kompleksin daha öncə 2020-ci ildə təhvil veriləcəyi deyilsə də, Putin və Ərdoğan arasındakı sonuncu görüşdə vaxtın tezləşdirilməsi barədə razılıq əldə edilmişdi.