Vidadi Zeynalova 14 il həbs istənildi

Vidadi Zeynalova 14 il həbs istənildi
Oxunma sayı: 2803

Bu gün Bakı Ağır Cinayətlər Məhkəməsində Rabitə Nazirliyinin yüksək vəzifəli şəxslərinin cinayət işi üzrə məhkəmə prosesi davam etdirilib.

“Qafqazinfo”nun verdiyi xəbərə görə, hakim Əfqan Hacıyevin sədrliyi ilə keçirilən prosesdə məhkəmə istintaqı yekunlaşıb.

Dövlət ittihamçısı Fərid Nağıyev çıxış edərək V.Zeynalovun 14 il müddətinə azadlıqdan məhrum edilməsini istəyib.

F.Nağıyev digər təqsirləndirilənlər - Beytulla Hüseynovun 15 il, Anar Mustafayevin 8 il, Qəmbər Bəybalayevin 10 il, Emin Məmmədovla Namazalı Məmmədovun hər birinə 12 il müddətinə azadlıqdan məhrum edilməsini istəyib. 

Məhəmməd Məmmədov, Cəfər Cəfərov, Səhrab Hümbətov, Bayram Vəliyev və Oktay Rüstəmova isə şərti cəza verilməsini tələb edib.

F.Nağıyev bildirib ki, təqsirləndirilən şəxslərin əmlakları müsadirə edilərək dövlətə dəyən ziyanın ödənilməsinə yönəldilsin.

Məhkəmə prosesi mayın 24-də davam etdiriləcək.

Murad Əhməd


Daha tez məlumatlanmaq üçün yeni Facebook səhifəmizi