Millimiz 128-ci pillədə
“Qafqazinfo”nun Apasport.az saytına istinadən verdiyi məlumatına görə, Azərbaycan yığması yeni ili 128-ci pillədə qarşılayacaq.
Tanınmış www.football-rankings.info saytının hesablamalarına əsasən, yeni reytinqdə millimiz 250 xala malik olacaq. Noyabr reytinqində 277 xalla 123-cü olan komandamız 27 xal itirərək, 5 pillə geriləyəcək. Buna Şimali İrlandiyadakı heç-heçə səbəb olacaq. Belə ki, DÇ-2014-ün seçmə mərhələsinin Belfastdakı qarşılaşması 1:1 hesabı ilə başa çatmaqla yığmamızın geriləməsi ilə nəticələnəcək.
Yığmamızla heç-heçə edən britaniyalılar isə 11 pillə irəliləyərək 89-cu pilləyə qalxacaq. DÇ-2014-ün seçmə mərhələsindəki digər rəqiblərimizdən Portuqaliya (1163) 2 pillə geriləyərək 6-cı pilləyə düşəcək, Rusiya isə 1097 xalla 9-cu yerdə qalacaq. 496 xalla 10 pillə irəliləyən İsrail 68-ci, 1 pillə geriləyən Lüksemburq 172 xalla 145-ci olacaq.
Qeyd edək ki, siyahının ilk 3 pilləsində dəyişiklik gözlənilmir. İspaniya (1606), Almaniya (1437) və Argentina (1271) yenə ön sıralarda olacaq.
Son Xəbərlər
- 1
- 2
- 3
- 4
- 5
- 6
