Azərbaycan və Almaniya XİN rəhbərləri görüşdü - Yenilənib

azerbaycan-ve-almaniya-xin-rehberleri-gorusdu
Oxunma sayı: 1556

Azərbaycanın xarici işlər naziri Ceyhun Bayramov Berlinə səfəri çərçivəsində almaniyalı həmkarı Annalena Berbokla görüşüb.

“Qafqazinfo” xəbər verir ki, bu barədə Azərbaycan XİN-in “X” hesabında paylaşım edilib. 

Məlumata görə, nazirlər iki ölkə arasında əlaqələrin hazırkı vəziyyəti və gələcək perspektivləri, eləcə də digər məsələlər ətrafında fikir mübadiləsi aparıblar.

***

Azərbaycan XİN-in rəsmi saytında yerləşdirilən məlumatda qeyd olunub ki, görüşdə nazirlər Azərbaycan-Almaniya münasibətlərinə böyük önəm verdiklərini, əməkdaşlığın daha da genişləndirilməsində maraqlı olduqlarını vurğulayıblar.

Görüşdə bu il Azərbaycanın BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyi çərçivəsində Almaniya tərəfi ilə əməkdaşlıq üçün əlavə imkanlar mövcud olduğu qeyd olunub. Bu çərçivədə Petersberq Dialoqunun birgə uğurlu təşkilinin, eləcə də hazırda keçirilən Bonn Konfransının əhəmiyyətindən danışılıb.

Ceyhun Bayramov post-münaqişə dövründə bölgədə mövcud vəziyyət və reallıqlar, Azərbaycan və Ermənistan arasında normallaşma prosesindən bəhs edərək sülh prosesi çərçivəsində mövcud problemləri və imkanları diqqətə çatdırıb. Bu çərçivədə sülh sazişinin imzalanması üçün Ermənistan Konstitusiyasında Azərbaycanın ərazi bütövlüyünə davam edən iddianın maneə olduğu xatırlanıb.

Görüş zamanı, həmçinin qarşılıqlı maraq doğuran digər regional məsələlər müzakirə olunub.