Bakıda tanınmış müəllim - “GRBS”ni məhkəməyə verdi
Azərbaycanda “İELTS” imtahanlarında danışıq üzrə mütəxəssis işləyən Pakistan vətəndaşı Arpana Laute tədriz mərkəzi olan “GRBS”yə qarşı məhkəmə iddiası qaldırıb.
“Qafqazinfo”nun verdiyi xəbərə görə, “GRBS İnternational Training Centre” MMC-də bir müddət müəllim kimi fəaliyyət göstərən A.Laute əmək haqqısını ala bilmədiyini iddia edib.
O, məhkəmədə müqavilə üzrə borcun və dəymiş zərərin ödənilməsini “GRBS”dən tələb edib.
İş üzrə 1 saylı Bakı İnzibati İqtisad Məhkəməsində qətnamə qəbul edilib. Qərara əsasən, A.Lautenin iddiası təmin edilib. Bundan sonra cavabdeh olan “GRBS” qərardan apellyasiya şikayəti verib.
İş icraata götürülüb və proses Bakı Apellyasiya Məhkəməsinin hakimi Kəmalə Abiyevanın sədrliyi ilə aprelin 13-də davam etdiriləcək.
Murad Əhməd
Son Xəbərlər
- 1
- 2
- 3
- 4
- 5
- 6
