Bakının məşhur yerləri Azərbaycan bayrağı ilə proyeksiya olundu - Fotolar

Bakının məşhur yerləri Azərbaycan bayrağı ilə proyeksiya olundu
Oxunma sayı: 1998

Bu gün canlarını Azərbaycanın ərazi bütövlüyü yolunda qurban vermiş Vətən müharibəsi şəhidlərinin əziz xatirəsi yad edilib.

"Qafqazinfo" xəbər verir ki, bu münasibətlə Heydər Əliyev Mərkəzi, "Alov qüllələri" və Bakı Olimpiya Stadionu Azərbaycan bayrağı ilə işıqlandırılıb.  

Xatırladaq ki, Ermənistanın hərbi təcavüzü və ardıcıl təxribatlarına cavab olaraq sentyabrın 27-də Azərbaycan Ermənistanın otuz ilə yaxın davam edən işğalçılıq siyasətinə son qoymaq və torpaqlarımızı düşmən tapdağından azad etmək uğrunda Vətən müharibəsinə başlayıb.

44 gün davam edən hərbi əməliyyatlar nəticəsində Azərbaycan xalqı tarixi qələbə qazanıb və ölkəmizin ərazi bütövlüyü bərpa olunub. Vətən müharibəsində Silahlı Qüvvələrimizin 2783 nəfər hərbi qulluqçusu şəhid olub.