UEFA Avropa Liqasının 1/8 final mərhələsinin ilk oyunları çərçivəsində “Qarabağ”ın qonağı olacaq “Bayer” Bakıya yola düşüb.
“Qafqazinfo” xəbər verir ki, Leverkuzen təmsilçisi çarter reysi ilə 5 saatlıq uçuşla Azərbaycanın paytaxtına gələcək. “Bayer”in Bakıda açıq məşqi olmayacaq. Çünki komanda bugünkü məşqi Leverkuzendə keçib.
Qeyd edək ki, martın 7-də Tofiq Bəhramov adına Respublika stadionunda keçiriləcək “Qarabağ” – “Bayer” görüşü saat 21:45-də başlayacaq.