Binəqədidəki partlayışda ölənlərin sayı 10-a çatdı
Binəqədi rayonunda baş vermiş partlayış nəticəsində ölənlərin sayı artıb.
“Qafqazinfo” xəbər verir ki, bununla bağlı Baş Prokurorluq məlumat yayıb.
Belə ki, bu gün saat 14 radələrində yaralılardan 1 nəfər - Rüstəmov Adil Aydın oğlu (1996) göstərilən tibbi yardımlara baxmayaraq müalicə aldığı xəstəxanada vəfat edib.
Qeyd olunub ki, Binəqədi rayonunda yerləşən mebel sexində 9 nəfərin ölümü, 24 nəfərin müxtəlif dərəcəli bədən xəsarətləri alması ilə nəticələnən partlayışla bağlı Baş Prokurorluğun Kriminalistika və informasiya texnologiyaları idarəsində Cinayət Məcəlləsinin müvafiq maddələri ilə cinayət işi başlanaraq istintaq aparılır.
Son Xəbərlər
- 1
- 2
- 3
- 4
- 5
- 6
