Bu da “Zəngəzur” PUA-sı - Foto
Azərbaycanda “Zəngəzur” pilotsuz uçuş aparatı (PUA) istehsal olunub.
“Qafqazinfo” Trend-ə istinadən xəbər verir ki, PUA ilk dəfə Bakıda keçirilən “ADEX-2024” Azərbaycan Beynəlxalq Müdafiə Sərgisində nümayiş etdirilir.
PUA-nın əsas təyinatı VTOL radioekoloji monitorinq üçün nəzərdə tutulub.
Azad olunan ərazilərimiz minalardan təmizləndikdən sonra torpaqda qalan radiasiyanın aradan qaldırılmasında PUA-nın istifadəsi vaxta qənaət edir.
PUA təkmilləşdirilərək döyüş zamanı istifadəsi də mümkündür.
Qeyd edək ki, 24-26 sentyabr tarixlərində Bakı Ekspo Mərkəzində regionda müdafiə sənayesinə həsr olunmuş ən nəhəng tədbir olan 5-ci Yubiley Azərbaycan Beynəlxalq Müdafiə “ADEX” sərgisi keçirilir. İlk “ADEX” sərgisi 2014-cü ildə təşkil edilib. İki ildən bir keçirilən sərgi bu il 5 illik yubileyini qeyd etsə də, artıq 10 ildir ki, fəaliyyət göstərir və ildən-ilə iştirakçı siyahısını və əhatə etdiyi sektorları genişləndirir.
Son Xəbərlər
- 1
- 2
- 3
- 4
- 5
- 6
