Bu kredit təşkilatları hesabat vermədi - Cəzalandırıldı
“Total Finans” və “Stimul” kredit ittifaqlarına icrası məcburi göstəriş verilib.
“Qafqazinfo” xəbər verir ki, bu barədə Azərbaycan Mərkəzi Bankı (AMB) məlumat yayıb.
Məlumata görə, sözügedən kredit təşkilatları 2025-ci ilin III rübünə aid hesabatlarını təqdim etməyiblər:
“Mərkəzi Bank “Stimul” Kredit İttifaqı Məhdud Məsuliyyətli Cəmiyyətinə 2025-ci ilin III rübünə hesabatların təqdim edilməməsi ilə bağlı icrası məcburi göstəriş verib.
“Kredit ittifaqlarının prudensial tənzimlənməsi Qaydaları”nın 10.3-cü bəndinin tələbi təmin edilmədiyindən, “Kredit ittifaqına bank əməliyyatının həyata keçirilməsi üçün lisenziya verilməsi Qaydası”nın 4.4.4-cü yarımbəndi rəhbər tutulmaqla, Mərkəzi Bank ittifaqdan hesabatların təxirəsalınmadan və gələcək dövrlərdə vaxtında təqdim olunmasını tələb edib”.
Eyni qayda ilə “Total Finans Kredit İttifaqı” Məhdud Məsuliyyətli Cəmiyyətinə də müvafiq göstəriş verilib.
Son Xəbərlər
- 1
- 2
- 3
- 4
- 5
- 6
