Dünya miqyaslı “New Holland” markasının Göygöldə sərgi salonu açıldı - Fotolar+Video

dunya-miqyasli-new-holland-markasinin-goygolde-sergi-salonu-acildi
Oxunma sayı: 2059

27 oktyabrda Göygöl rayonunda “New Holland” texnikalarının yeni satış və xidmət mərkəzinin təntənəli açılışı olub. Tədbirdə Göygöl rayon İcra hakimiyyətinin başçısı Elvin Paşayev və digər RİH nümayəndələri, New Holland şirkətinin təmsilçiləri, xidmət mərkəzinin rəhbər və işçi heyəti, eləcə də rayon ictimaiyyətinin nümayəndələri iştirak ediblər.

“New Holland” şirkətinin regional direktoru Styuart Kempbell tədbir iştirakçılarına salonda sərgilənən 9 model New Holland traktorlarını və 2 model taxılyığan kombaynını təqdim etmişdir. Texnikaların təqdimatından sonra tədbir iştirakçıları mərkəzin təlim salonu, kredit və lizinq xidmətlərinin göstərilməsi ofisi, həmçinin ehtiyyat hissələrinin satış zonası ilə tanış olublar.

Sərgi salonu fermerlərə daha keyfiyyətli və sürətli şəkildə xidmət göstərilməsi məqsədilə fəaliyyətə başlayıb. Belə ki, New Holland markalı kənd təsərrüfatı texnikaları artıq bir neçə ildir ki, Azərbaycan fermerləri tərəfindən istifadə edilir. Hazırda istehsalçının təklif etdiyi traktorlar 50 - 600 at gücü aralığında olub, istər böyük, istərsə də orta və kiçik fermer təsərrüfatlarının tələblərini qarşılamaq gücündədir.

Sərgi salonu həmçinin xüsusi təlim salonu təchiz edilmişdir ki, bu da fermer və mexanizatorların müasir, innovativ texnikaları daha düzgün və səmərəli istifadə edə bilmələri məqsədilə mütəmadi şəkildə təlimlərin və sertifikatlaşdırma proqramlarının təşkili üçün nəzərdə tutulub. Mexaniztorlar ehtiyyat hissələrinin satışı zonasında lazımi hissələri əvvəlkindən daha qısa zaman çərçivəsində və daha rahat şəkildə əldə edə biləcəklər. Bundan başqa sərgi salonunda Prior Leasing ASC-nin şöbəsi fəaliyyət göstərir ki, burada da fermerlər aldıqları texnikaları dövlətin təqdim etdiyi faizsiz lizinq şərtlərilə və 40% dövlət subsidiyası hesabına ala bilərlər. Bu da fermerə imkan verir ki, satış mərkəzindən ayrılmadan, yerindəcə texnikanın lizinq şərtləri ilə alışını edə bilsin.

Qeyd edək ki, 1895-ci ildə yaradılmış “New Holland” şirkəti bir dünya markasıdır. Kənd təsərrüfatı və inşaat texnikaları üzrə dünyada lider şirkətlərdən biridir, 100-dən çox ölkədə 1800 satış mərkəzi ilə fermer və mexanizatorlara xidmət göstərir. Hər il dünyada 170000-dən çox New Holland texnikası satılır. Şirkət öz texnikalarının yüksək effektivliyi və innovativliyi ilə seçilir. Bu cür müasir kənd təsərrüfatı texnikalarının ölkədə istifadəsinin geniş vüsət almasının yaxın gələcəkdə Azərbaycanın kənd təsərrüfatı sektorunun inkişafına müsbət təsir edəcəyinə inanırıq.