Gitarası hərracda rekord qiymətə satıldı
“Nirvana”nın mərhum frontmeni Kurt Kobeynin 1993-cü ildə qrupun “MTV Unplugged In New York” konsertində istifadə etdiyi akustik gitarası hərracda rekord məbləğə - 6 milyon dollara satılıb.
“Qafqazinfo” bildirir ki, bu barədə “Julien's Auctions” hərrac evinin Tvitter səhifəsində məlumat verilib.
“6 010 000 dollara satıldı! Gitara üçün yeni dünya rekordu!”, - paylaşımda qeyd edilib.
Qeyd edək ki, Kobeyn bu “Martin D-18E 18” akustik gitarada 1993-cü ilin noyabrında, ölümündən təxminən 5 ay əvvəl, ifa edib. 1994-cü ildə 27 yaşlı Kobeyn özünə qəsd edib.
