İki min il tarixi olan xəzinə tapılıb
“Azerimuslims.com” Türkiyə mətbuatına istinadən bildirir ki, arxeoloqlar İsrailin Kiryat Qat şəhərində iki min il əvvələ aid xəzinə tapıblar. Tədqiqatçılar hazırkı İsrail ərazisində olan Yəhudiyyə rayonunda 132-136-cı illər yaşamış və yarım milyondan çox yəhudinin öldüyünə inanılan inqilab dövrünə aid xəzinənin aşkar edildiyini deyiblər.
Xəzinədə 140 qızıl və gümüş sikkənin, eləcə də digər qiymətli əşyaların tapıldığı xəzinənin Roma və Bizans dövrünə aid evin qalıqları arasında aşkar edildiyi bildirilib. Arxeoloqlar xəzinənin qazıntı işləri zamanı otaqlarından bir neçəsi aşkar edilən evin dəhlizində geyimə sarılmış vəziyyətdə tapıldığını qeyd ediblər.
Xəzinədə çiçək şəklində olan sırğa və qiymətli metaldan düzəldilən üzük tədqiqatçıların diqqətini xüsusilə cəlb edib. Həmçinin, aşkar edilən iki ədəd gümüş qələmin keçmiş dövrlərdə Ərəbistan yarımadasında və Misirdə qadınların göz qapaqlarının ətrafını tündləşdirmək üçün istifadə etdikləri “köhl” qələmləri olduğu ehtimal edilir.
Xəzinədə nəzəri cəlb edən tapıntılardan birinin də üzərində üç imperatorun surətinin həkk olunduğu sikkələrdir.
Son Xəbərlər
- 1
- 2
- 3
- 4
- 5
- 6
