Samuxda bədbəxt hadisə baş verib.
"Qafqazinfo"nun məlumatına görə, 2018-ci il təvəllüdlü Nurəddin Əfqan oğlu Quliyevin və bacısı, 2019-cu il təvəllüdlü Ruqəyya Əfqan qızı Quliyevanın yaşadıqları evdə səhhətlərində problem yaranıb.
Rayonu Karayeli qəsəbəsinin sakinləri olan azyaşlılardan - 2 yaşlı Ruqəyya xəstəxanaya aparılarkən yolda vəfat edib. Üç yaşlı Əfqan isə yerləşdirildiyi xəstəxanada dünyasını dəyişib.
İlkin ehtimala görə, onlar zəhərləniblər.
Faktla bağlı araşdırma aparılır.