İsfahanda hərbi obyektə hücum olub - Video+Yenilənib
İranın İsfahan şəhərində Müdafiə Nazirliyinin sursat istehsalı müəssisəsində partlayış baş verib.
“Qafqazinfo” xəbər verir ki, bu haqda İran dövlət televiziyası məlumat yayıb.
İsfahan valiliyi partlayışı təsdiqləyib, itkilərin olmadığını açıqlayıb.
İran Müdafiə Nazirliyindən verilən açıqlamada hərbi obyektə mikro pilotsuz uçuş aparatları ilə hücum edildiyi bildirilib.
“Müdafiə Nazirliyinə bağlı istehsalat obyektlərindən birinə mikro pilotsuz uçuş aparatlarından istifadə edilməklə uğursuz hücum edilib. Müdafiə tədbirləri ilə təyyarələrdən biri obyektin hava hücumundan müdafiəsi ilə, digər ikisi isə müdafiə tələlərinə düşərək partlayıb”.
Hücum nəticəsində insan itkisinin olmadığı qeyd olunub.
***
Qeyd edək ki, Yaxın Şərq mediasının çoxsaylı mənbələri İsrailin İrana qarşı hərbi əməliyyata başladığını bildirir.
Lakin indiyə qədər İsrail hökuməti və ya ordusu bu haqda rəsmi olaraq heç bir açıqlama verməyib.
Son Xəbərlər
- 1
- 2
- 3
- 4
- 5
- 6
