Kəlbəcərdə itkin düşən hərbçinin nəşi tapıldı
Yanvarın 29-da Kəlbəcər rayonunda hava şəraitinin qəfil dəyişməsi və çovğun səbəbindən itkin düşən hərbçi Fuad Bağırovun nəşi tapılıb.
"Qafqazinfo" xəbər verir ki, bu barədə Müdafiə Nazirliyindən bildirilib.
Azərbaycan Ordusunun Kəlbəcər rayonu istiqamətində yerləşən bölmələrinin şəxsi heyəti və xüsusi texnikanın cəlb olunması, eləcə də Fövqəladə Hallar Nazirliyinin əməkdaşlarının iştirakı ilə aparılan axtarış-xilasetmə tədbirləri nəticəsində itkin düşən baş leytenant Bağırov Fuad Allahverdi oğlunun nəşi yanvarın 31-i saat 12:30 radələrində tapılaraq müvafiq qaydada ərazidən təxliyə edilib.
Müdafiə Nazirliyinin rəhbərliyi hərbi qulluqçumuzun yaxınlarına dərin hüznlə başsağlığı verir və səbr diləyir.
Allah rəhmət eləsin!
Son Xəbərlər
- 1
- 2
- 3
- 4
- 5
- 6
