Malatyada 5,6 ballıq zəlzələ, ölən və yaralananlar var - Yenilənib
Türkiyənin Malatya şəhərində 5,6 bal gücündə zəlzələ olub.
“Qafqazinfo” xəbər verir ki, bu barədə Fövqəladə Halların İdarəedilməsi Agentliyi (AFAD) məlumat yayıb.
Zəlzələ yerli vaxtla 12:04-də Malatyanın Yeşilyurt rayonunda qeydə alınıb.
Ətraf rayonlada da hiss edilən zəlzələ 6,96 kilometr dərinlikdə baş verib.
Tələfat və dağıntılar barədə məlumat yoxdur.
***
AFAD-ın məlumatına görə, zəlzələ nəticəsində bir neçə bina dağılıb.
Məlumata görə, bir ata və qızı qəzalı vəziyyətdə olan binadan əşyalarını götürmək istədikdə bina uçub, ata və qızı dağıntılar altında qalıb.
***
Zəlzələ nəticəsində 1 nəfər həlak olub, daha 69 nəfər isə yaralanıb. 25 binanın uçduğu ehtimal edilir. Hazırda 5 binada axtarış-xilasetmə işləri aparılır.
***
Şəhərin Yeşilyurt adlı bölgəsində bir nəfər dağıntılar altından xilas edilib. Hazırda xilasetmə işləri davam etdirilir.
***
Zəlzələ nəticəsində 29 bina uçub. Bununla yanaşı, yaralıların sayı 110 nəfərə çatıb. Dağıntılar altından isə 32 nəfər xilas edilib.
Həmçinin oxuyun: “AzerGold” и Министерство горнодобывающей промышленности и геологии Узбекистана подписали меморандум
