Türkəsilli almaniyalı aktrisa Meryem Uzerli 11 il sonra ekranlara qayıdır.
“Qafqazinfo” Türkiyə mətbuatına istinadən xəbər verir ki, o, “Şakir Paşa Ailesi: Mucizeler ve Skandallar” serialında rol alacaq.
Uzerli layihədə məşuqə obrazına həyat verəcək. Serial “NOW TV”də izləyici qarşısına çıxacaq.
Qeyd edək ki, ekran işində Vahide Perçin, Fırat Tanış, Devrim Yakut, Cem Yiğit Üzümoğlu və Nilsu Berfin Aktaş kimi məşhur simalar yer alıb.
Xatırladaq ki, M. Uzerli Türkiyənin məşhur “Muhteşem Yüzyıl” (2011-2014) serialındakı “Hürrem” obrazı ilə məşhurluq qazanıb.