Putin Krım körpüsündəki partlayış olan əraziyə getdi
Rusiya Prezidenti Vladimir Putin partlayış olan Krım körpüsünə gedib.
“Qafqazinfo” xarici mətbuata istinadən xəbər verir ki, Prezident 6-7 ay ərzində ikinci yolun bərpası işlərinin aparılacağını bildirib.
Putin hadisə yerinə Baş nazirinin müavini Marat Xusnullini ilə gedib. Onlar avtomobillə körpüdən keçiblər.
Qeyd edək ki, Krım körpüsündə partlayış oktyabrın 8-i səhər saatlarında baş verib. Partlayış zamanı 4 nəfər ölüb. Rusiya Federal Təhlükəsizlik Xidmətinin yaydığı məlumata görə isə, partlayışın hazırlanmasında iştirak edən 12 nəfər müəyyən edilib. Həmin şəxslərdən bir neçəsi artıq həbs olunub. Müəyyən edilən şəxslərin 5-i Rusiya, 3-ü Ukrayna və 1-i Ermənistan vətəndaşlarıdır.
Son Xəbərlər
- 1
- 2
- 3
- 4
- 5
- 6
