Qeyri-sabit hava nə vaxtadək davam edəcək?
Ölkə ərazisində müşahidə olunan qeyri-sabit hava şəraitinin dekabrın 25-də gündüz saatlarından tədricən sabitləşəcəyi, 26-27-də əsasən yağmursuz keçəcəyi gözlənilir.
Bu barədə “Qafqazinfo”ya Milli Hidrometeorologiya Xidmətindən bildirilib.
Qeyd edilib ki, arabir güclənən mülayim cənub küləkləri üstünlük təşkil edəcək. Havanın temperaturu ötən günlərlə müqayisədə tədricən yüksələcək.
