Rusiyanın Vladivostok şəhərində Azərbaycan vətəndaşı olan narkotacir saxlanılıb. “Qafqazinfo” xəbər verir ki, bu barədə Primorsk prokurorluğunun mətbuat xidməti məlumat yayıb.
İstintaq məlumatına görə, cinayət 2018-ci ilin payızında baş verib. Şübhəli Primorskda yaşayış qeydiyyatı olmadan məskunlaşıb.
Qeyd olunur ki, o, potensial alıcı ilə öncədən planlaşdırılmış görüş zamanı ona 1200 rubl dəyərində narkotik vasitə-heroin satmaq istəyib. Alıcı isə əməliyyat-istintaq tədbiri çərçivəsində fəaliyyət göstərən polis əməkdaşı olub.
Saxlanılan şəxs “Narkotik vasitələrin qanunsuz satışı” maddəsi ilə cinayət törətməkdə ittiham olunur.
Hazırda faktla bağlı cinayət işi açılıb.