Bu gün Bakı Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilən 1963-cü il təvəllüdlü Təvəkkül Həsənovun cinayət işi üzrə məhkəmə prosesi yekunlaşıb.
“Qafqazinfo”nun verdiyi xəbərə görə, hakim Azər Orucovun icraatında olan prosesdə hökm oxunub.
Məhkəmə kollegiyasının hökmü ilə T.Həsənov 7 il 6 ay müddətinə azadlıqdan məhrum edilib.
Qeyd edək ki, 2016-cı il iyunun 15-də Yasamal Rayon Polis İdarəsi əməkdaşları tərəfindən narkotik vasitə ilə tutulmuş Təvəkkül Həsənovun yaşadığı evə baxış zamanı 4 kiloqram 460 qram marixuana aşkar edilərək götürülüb.
Murad Əhməd