ABŞ-da kilsədə 26 nəfəri öldürən hərbidən qovulubmuş - Arvadı və uşağını...
ABŞ-ın Texas ştatında kilsəyə edilən silahlı hücum nəticəsində ölənlərin sayı 26-ya çatıb, təxminən 20 nəfər isə yaralanıb.
“Qafqazinfo” xarici KİV-ə istinadən xəbər verir ki, atəş açan şəxs avtomat tüfənglə silahlanıb. Şübhəli ölü olaraq ələ keçirilib.
Rəsmi olaraq təsdiqlənməsə də, KİV-lər silahlının Devin Kelli adlı şəxs olduğunu yazır.
Şübhəli Devin Kellinin 2010-2014-cü illərdə Hərbi Hava Qüvvələrində ən aşağı rütbədə çalışdığı müəyyənləşib. Lakin uşağı və arvadına qarşı zorakılığına görə hərbi məhkəməyə çıxarılan Kelli 1 il həbs olunur, HHQ-dən isə azad olunur.
Ölənlər arasında səkkiz aylıq hamilə qadın da olub. Beş uşaq anası olan qadın kilsəyə apardığı 3 uşağı ilə birgə qətlə yetirilib.
